ТАДЗИ ОЗ ПОЗЬ УДЖАВНЫ КОМСОМОЛЕЧЛЫ

Чуклӧм вӧлӧсьтын (Сыктыв у.) комсомол ячейкаын секретар Е. И. Сажинлы тӧвнас Визинӧ лэччигӧн ӧти комсомолеч сетӧма сьӧм «Журнал Крестьянской Молодежи» судзӧдны квайт тӧлысь кежлӧ, да Сажиныд судзӧдӧма сӧмын куим тӧлысь кежлӧ. Бӧрыннас комсомолечыд пондас юавны: мыйла нӧ пӧ куим тӧлысь кӧсйӧны ыстыны, судзӧдлі пӧ тай нӧ квайт тӧлысь кежлӧ? Сійӧ пӧ, зон, редакцияыс бергӧдӧ журналтӧ ыстӧмсьыс, — шуас Сажин. Ӧні шленскӧй взносъяс корӧ мӧд пӧв — унаӧн мынтӧны.

Тулыснас ӧти дӧвалы водзӧсӧн сетлӧма 15 тув ид кӧйдыс, да сы пыдди ӧні уджӧдӧмаӧсь кык лун нин, да ещӧ пӧ на кӧсйӧны.

Татшӧм секретарӧн удж некор оз босьтчы.

Тӧдысь.