ПОЛОВНИКЫН ОЛӦМ

(Серегов вӧлӧсьтын, Емдін уездын)

Вӧлӧсьтсянь кызь верст. Некутшӧм гырысь йӧзӧс югдӧданін абу. Газет локтӧ сӧмын РЛКСМ ячейкаӧ да школаӧ. Некод оз судзӧд газетсӧ, кӧть эськӧ эмӧсь и профсоюзса шленъяс да.

РЛКСМ ячейкаын 6 морт. Ӧні заводитчисны уджавны, но веськӧдлысьыс абу, дай нига вылӧ ни газет вылӧ сьӧмыс абу. Ас костас ӧні тэчсисны да судзӧдісны унатор: «Безбожник», «Крестьянская газета», «Лапоть», «Московская деревня» да «Югыд туй».

Сиктын уна батракъяс (казакъяс) да кага видзысьяс — донтӧм донысь олӧны Петыр лунсянь Покровӧдз. Исполком ни некод абу тшӧктылӧма договор вӧчны, весиг учёт вылас абу босьталӧмаӧсь. Бурджыка медым лӧсьӧдӧны Половникӧ олӧмсӧ, колӧ таво восьтыны Сельсӧвет да лыддьысян керка.

Луч.