МЫЙ ВИСЬТАЛӦНЫ ГЕРМАНИЯСА РАБОЧӦЙЯСЛӦН ДЕЛЕГАТЪЯСЫС

Берлин. Германияса делегатъяс тӧрыт первой висьталісны заводъясса комитетъясысь представительяслы да газетӧ гижысьяслы СССР-ӧ ветлӧм йылысь. Социал-демократъяслӧн делегат Беневич шуис: СССР йылысь пӧ капиталистъяс дзик лӧж висьталӧны. СССР-ын пӧ власьтсӧ кутӧны збыльысь рабочӧйяс да крестьяна. Сэсся Беневич чуксалӧ став германияса профсоюзъясӧс ӧтвылысь водзсасьны капиталистъяскӧд. Мӧд делегат висьталіс: СССР-ын пӧ юралысьясыс — Каменев, Зиновьев, Бухарин, Троцкӧй, Сталин да мукӧд — олӧны зэв прӧстӧя. Найӧ пӧ кутшӧм квартираясын олӧны, сэні пӧ эськӧ берлинса рабочӧйяс эз овны.