«МЕНЬШЕВИКЪЯС АСЛАНЫС УДЖӦ ОЗ НИН ЭСКЫНЫ»

Мӧскуа. Германияса делегатъяслы воӧма письмӧ россияса меньшевикъяссянь. Сійӧ письмӧсӧ гижысьясыс абу кырымалӧмаӧсь (анонимное). Германияса делегацияысь шленъясыс — социал-демократъяс Мелле, Фрейбергер да Бекбеневич — налы вочакыв ыстісны газет пыр. Сэні найӧ гижӧны: ми зэв унатор аддзылім Сӧветскӧй Россияысь, сӧмын тіянӧс эгӧ аддзылӧй. Кыссюрӧ корсьӧмӧн эськӧ и аддзылім тіянӧс, сӧмын ті энӧ нин вӧлӧй важ кодьӧсь — дзик вежсьӧмныд. Миянӧс нарошнӧ ӧтлаавлісны меньшевикъясыдкӧд Тифлисын. Ми накӧд сёрнитім да аддзим: найӧ асланыс уджас эз нин ньӧти эскыны, Россияын власьтсӧ кутӧны рабочӧйяс. Тіян ногтӧ уджалігӧн бурыс рабочӧйяслы оз ло: сетӧй асьнытӧ да ассьыныд вынтӧ россияса рабочӧйяслы, ӧтувтчӧй рабочӧйяскӧд ӧтвылысь уджавны — сэки социализмлы ті вӧчанныд буртор.