ПОПӦС БӦРЙЫСЬ КОМСОМОЛЕЧЬЯС

Арабачын (Айкатыла вӧл., Емдін у.) ыджыд лун дырйи попыс кулі. Сы места вылын ӧні кыкӧн косясьӧны: Курсов Лука Вань (1918−19 воын вӧвлі военнӧй комиссарын, сэсся белӧйлы сетчис, сы бӧрын саломщикаліс, дякӧналіс. Ӧні попӧ пуксьӧ) да Коськысь поп. Йӧзыс на вӧсна сідзжӧ лун-лун увгӧны: ӧткымын пуктӧны Курсовӧс, мукӧдыс мӧдсӧ. Тайӧ уджас тшӧтш сюйсьӧмаӧсь комсомолечьяс: Одинцов Вань да Жданов Мить. Собранньӧяс вылын пыр увгӧны, мырдӧн тшӧктӧны попӧ босьтны Курсовӧс. Крестьяналы зэв сьӧлӧм вылас сійӧ оз во, кутшӧм пӧ тіянлы мог миян попӧс бӧрйӧмӧдз — шуӧны.

Тӧдысь.