НЫВБАБАЯС ВЫЛЫН НАРТИТЧӦ

Нёбдінын (Кулӧмдін уездын) эм гражданин Шаманов. Сійӧ неыджыд кост кадӧн гӧтрасьліс куимысь-нёльысь. Та кындзи на сійӧ олӧ кымынкӧ нывбабакӧд. Шаманов ас мудерлуннас да яндысьтӧмлуннас том нылӧс ылӧдлас, кыскас бать-мам дінсьыс, сэсся бӧр шыбитас. Томиник нылыд сэки оз и тӧд, кытчӧ колӧ воштысьны. Зэв тшӧкыда волывлӧны милиционер дінӧ, корӧны сійӧс дорйысьны.

Шаманов вылӧ колӧ видзӧдлыны чорыдджыка да дугӧдны нывбабаяс вылын нартитчӧмысь.

Ёкыш.