КОМИ КЫВЙӦ ВУДЖӦМ ЙЫЛЫСЬ СЁРНИ

Октябр 15 лунӧ Обласьтувса прокурор чукӧртліс судъясын да милицияын уджалысьясӧс. Сёрни муніс коми кывйӧ судъяс да милицияӧс вуджӧдӧм йылысь. Лючки сёрнитӧм бӧрын шуисны вуджны коми кывйӧн нуӧдны гижасян удж ӧнісянь жӧ. Помӧдз дзик коми кывйӧ вуджны август-сентябр тӧлысьын локтан во.

Нарсудъясын, волисполкомъясын уджалысьяслы да милиционеръяслы колӧ ӧнісянь жӧ кутчысьны велӧдчыны комиӧн лыддьысьны, гижны. Велӧдчыны позяс коми газет, коми нигаяс лыддьӧмӧн (эмӧсь быд лыддьысян керкаын). Велӧдчыны комиӧн гижны сідзи жӧ позьӧ школаын велӧдчысь челядькӧд, школаын велӧдысьяскӧд.

П.