СИСЬ БИЯС

Эжва вылын югзьӧны сись бияс,
Эзысь рӧмӧн вералӧ ю выв,
Небыдика валъялӧны гыяс,
Гӧгӧр чӧв-лӧнь, некоді оз кыв.

Быттьӧ вичко пытшса вежа бияс,
Нюжӧдчӧны Енлань — сійӧ эм,
Кыдзи йӧзыс кыпӧдӧны кияс,
Сетас мед бур шуд да кузьджык нэм.

Сьӧлӧм вылын сэтшӧм кокни лои,
Юрысь петі-сылі шогсьӧм-тӧжд,
И сись бияс пӧвстӧ быттьӧ вӧйи...
Наын эськӧ овны олӧм чӧж!
Эжва вылын югзьӧны сись бияс,
Вежалунӧн ӧвтӧ гӧгӧрбок...
Сьӧлӧмӧй кӧ бара шогӧ вӧяс,
Кыдз нӧ бара татчӧ ме ог лок?