КУИМ ВО

Талун тырӧ куим во Крестьяна Комитет Взаимопомощи йылысь декрет петӧмсянь.

Унаӧн ми, коми йӧз, эгӧ гӧгӧрвоӧ первойсӧ Комитет Взаимопомощилысь уджсӧ. Бура дыр лои тӧдмӧдны та йылысь.

Комитет Взаимопомощи — деревняын медколантор. Омӧля кӧ Комитет уджалӧ — омӧльджыка олӧм мунӧ. Кутшӧмкӧ причча кӧ суас, Комитет медвойдӧр отсалӧ. Кодъяскӧ кӧ оз судзсьыны, оз вермыны другӧн кок йылас сувтны — Комитет отсалӧ. Красноармеечлы либӧ инвалидлы колӧ отсыштны мусӧ гӧрыштны — Комитет бара чукӧстчӧ. Став уджсӧ Комитетлысь он вермы артыштны. Быд судзсьытӧминӧ, быд причча дорӧ сійӧ веськӧдчӧ. Комитет Взаимопомощи — медводдза велӧдысь крестьянаӧс ӧтувйӧн овны, ёрта-ёртлы отсасьны.

Кӧнсюрӧ миян паськыд Коми муын омӧля на уджалӧны Комитетъяс, йӧзыс абу на дзикӧдз гӧгӧрвоӧмаӧсь сы йылысь.

Мед нӧ нёльӧд во тыригкежлас эз кольны омӧля уджалысь Комитетъяс! Найӧ отсалӧны крестьяналы аслыныс, тшӧтш отсалӧны Сӧвет власьтлы овмӧссӧ, эмбурсӧ кыпӧдны.