КӦНІ ТЭ, МЕНАМ МУСАНИК МОРТ?

Кӧні тэ, менам мусаник морт?
Тэнӧ корсигӧн мыйла пыр дзугся?
Лоас оз миян ӧтувъя горт?
Он кӧ шыась, сэк шогӧ ме уся.

Коді тэ, менам «нэм кежлӧ ёрт»?
Уна во лунысь-лун кора тэнӧ.
Енлы кевмысьтӧг узьны ог вод.
Тӧда, бур кыв став джӧмдӧдсӧ венӧ.

Кӧні тэ? Коді тэ? Локтан-он?
Ме ӧд мудзи нин виччысьны, кылан,
серамбана, бур сьӧлӧма, ён,
менам медбӧръя, сьывтӧм на, сьылан?