КАРСА ГУЛЮЯС

Карса гулюяс, горттӧм пемӧсъяс,
ті моз корся ме шоныд пельӧсъяс
тайӧ пемыд да гудыр олӧмас,
тайӧ аскиа лунсьыс полӧмас.

Бурсӧ, югыдсӧ сӧмын казьтыла.
Пыр на эска, мый шудсӧ аддзыла,
кӧть и олӧмлӧн помыс тыдовтчӧ,
кӧть и висьӧмлӧн вуджӧр кыйӧдчӧ.

Енлӧн лэбачьяс, кургӧй, окасьӧй,
йизьӧм туй вылын пӧттӧдз кокасьӧй.
Бур, мый кодлыкӧ талун колам на,
сідзкӧ, ловъяӧсь, сідзкӧ, олам на.