ТУВСОВЪЯ СЬЫЛАНКЫВ

Бара кӧтӧдіс менсьым чужӧмӧс
долыд синванас тувсов зэр,
быттьӧ казяліс лолӧн усьӧмӧс,
зільӧ мичмӧдны олан сер.

Бара юрсиӧс кутіс легӧдны
небыд чуньяснас тувсов тӧв,
быттьӧ тӧдысь моз кӧсйӧ бергӧдны
кольӧм кадсӧ, кӧн лёк эз вӧв.

Бара жальпырысь пондіс видзӧдны
гудыр синъяснас ывлавыв,
быттьӧ шоглунӧс вермас личӧдны
сылӧн тувсовъя сьыланкыв.