СИ ПОЖ

Мича кӧйдыс пуктӧмтор
Зэв лӧсьыда чужис.
Нёль во чӧжӧн ёна бур
Сэтысь урожайыс быдмис.
Коркӧ вӧлі сэтшӧм пӧра — 
Кӧйдыс пиад сюрис ёг.
Сэсся ӧні сійӧ бӧрын
Унджык кутіс кайны ёг.
Кӧзяинлӧн эз вӧв пӧра
Сійӧ ёгсӧ тӧлӧдны.
Уськӧдчисны кырныш чукӧр
Тайӧ кӧйдыс орӧдны.
Кӧзяиныд пищаль босьтіс
Кырнышъясӧс вӧтлыны,
Найӧс начкис, быдӧн виис,
Кутіс кӧйдыс янсӧдны.
Ыджыд машинаӧн оз позь
Зэв мичаа торйӧдны.
И лӧсьӧдіс уна си пож
Став кӧйдыссӧ пожнавны.
— Вайӧ ми тшӧтш, коми йӧзӧй,
Отсалам быдӧн весавны,
Мед нин вӧлі водзӧ кежӧ
Бур-мича кӧйдыс пуктыны.
Ёгъяс, тӧвзьӧй кырныш дінӧ,
Налы горшас пуксьыны,
Сійӧн пӧткӧдӧ ті кынӧм,
Мед оз кутны курксыны!