ВАЖ СЬЫЛАНКЫВ ВЫЛЬ НОГӦН

“Чикышӧс колӧ кыйны,
Садокӧ колӧ йӧртны,
Кӧйдысӧн колӧ вердны...”
“Вӧчысьӧс” колӧ кыйны, “Юыськӧд” колӧ йӧртны, Нинӧмӧн оз ков вердны! “Вӧчысьысь” тай быдмӧма, “Юысьысь” тай лоӧма, Тшыгъялӧмыс вунӧма... “Аслыным пӧ зэв лӧсьыд!” — Йӧзсянь кӧть абу лӧсьыд. Самӧкуртӧ четьверт юа, Мӧдӧс юа, усьтӧдз юа, Лунысь лунӧ кодала... Менам няньяс таво мича, Вина вылӧ ставсӧ видза, — Йӧз моз, менӧ эз су причча — Волга пӧлӧн косьмӧма; Зэв пӧ ёна тшыгъялӧны, — Гутъяс моз пӧ кулалӧны, — Кутшӧм мог нӧ сэтчӧдз меным? Няньтӧ сетан — оз ло вина, Кыдзи сэки кодалан?.. Аслам кӧ няньӧй бырӧ — Озыр морт ордӧ пыра, Вина вылӧ, майбыр, сылы Эбӧс петтӧдз уджала. Ставсӧ юа самӧкурӧн, Лӧзӧдз пӧльтча тагъя сурӧн. — Лишнӧй кӧлуй вузала, Кык суда гудӧк босьта. Гудӧкӧс ме паськӧда, Гажӧдча сэк чорыда — Сьывны мӧда — горӧда: Шондібанӧй, олӧмӧй, Самӧкуртӧ юӧмӧй, Самӧкуртӧ юӧмӧй, да Бур мывкыдӧс воштӧмӧй! Бур мывкыдӧс воштӧмӧй, да Вошӧмтортӧ корссьӧма! — Вошӧмтортӧ корссьӧма, да Кытчӧ бара кольӧма? Ставыс ӧні эштӧма! Шондібанӧй, олӧмӧй!..
Гижӧд
Важ сьыланкыв выль ногӧн
Жанр: 

lkejrlkelkrgner klrjnelknfrkl ekjnrjkenfrej

1