ЕВГЕНИЙ СТЕПАНОВИЧСЯНЬ НӦК СТӦКАН


Евгений Степанович Афанасьевлы регыд лоӧ 65. А пӧшти дас во нин абу мортыс, кувсьыліс 1998 вося январ 21 лунӧ. Во джынйӧн кымын таӧдз пыраліс «Выль туйӧд» редакцияӧ, варовитыштім неуна. Висьталіс, мый висьӧдчӧ, но сэки жӧ бур лачаӧн юӧртіс, мый чорыд висьӧмсӧ лои казялӧма ас кадӧ (нинӧм на пӧ оз доймы висянінас), да эм пӧ надея, мый позьӧ вермыны. Сӧмын колӧ пӧ ас кадӧ химиотерапия прӧйдитны Сыктывкарас. Врачьяс пӧ эскӧдісны. Эскис, дерт, и ачыс. Но эз тай ло сы ног...

А муртса на 55 арӧс тыртіс, пенсия вылӧ петіс. Вӧлись эз ков думайтны нянь нажӧвитӧм йылысь. Куш гижӧмнад ӧд он пӧткӧдчы... И позис быдсӧн вӧйтчыны гижан уджас. Та йылысь сійӧ важӧн нин мӧвпаліс, юрас лӧсьӧдліс-тэчліс гырысь планъяс. Жаль, унатор эз вевъяв пӧртны олӧмӧ. Таысь и ми кутшӧмакӧ да гӧльджыкӧсь лоим.

Но колины гижысьлӧн и верстьӧ, и том лыддьысьысьлы уна лыда висьтъяс да повесьтъяс. Евгений Степановичлӧн петаліс кык асшӧр книга: «Кытшъяс» (1998 во) да «Пурзьӧмын ар пом» (1994 во), коймӧдӧс вӧлі дасьтӧ.

Меным ас кадӧ мойвиліс Евгений Степановичкӧд гоз-мӧдысь ветлыны гижысьяслӧн семинаръяс вылӧ. Кор вӧлі босьтчас лыддьыны ассьыс нюмсера гижӧдъяссӧ, кывзысь войтыр пыр и кутасны серавны. Унаысь гораа «гӧрдлылім», сэтчӧдз воштылас гижӧдыс.

Талун эм позянлун казьтыштны сійӧс ставлы. Зэв бур, йӧзӧдӧм висьтъясыс кӧ тіянӧс серӧктӧдасны. Та йылысь буретш и мӧвпаліс Евгений Афанасьев.

Тӧлка йӧз артыштӧмны, ӧти минут серам пӧ вежӧ стӧкан нӧк.

Аттьӧ таысь Евгений Степановичлы!


Гижӧд
Евгений Степановичсянь нӧк стӧкан
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1