* * *

Ми чужан мулы мынтысям-ӧ коркӧ,
Мый чашйим парма, косьтім ёль да ю,
Мый вундалӧ ва веркӧссӧ моторка
Да ас бӧртиыс кольӧ бензин ру?
Мый быри чери, биӧн сьӧкыд корсьны,
Оз ӧшйы вугыр помӧ дарга-ёс,
Мый повзьӧдчим и ловъя яг эг дорйӧй,
Эг панӧй польдысь горшлуныскӧд кось?
Мый кӧзяинӧн ас муын эг лоӧй,
А кодъясӧскӧ бокысь воысь воӧ
Пыр виччысим, кыдз енмӧс? Мый кӧть шу...
И регыд потӧм вор дорӧ ми колям,
Кӧть век на ыджыд дружба йылысь долям...
...Но синъяснымӧс вевттьӧ кутшӧм ру?