ӦНІЯ СИКТЫН

«Быттьӧ талун трактор «Беларусь»
Жургӧм пыдди сьыланкывъяс сьылӧ,
Быттьӧкӧ оз мӧс, а дзодзӧг-юсь
Йирсьынысӧ лэччӧ ласта вылӧ».
(А. Ванеев. «Сиктса ныв».)

Ыджыд воськов водзӧ вӧчис сикт!
Дивуйтчан, кор видзӧдлам сы вылӧ:
Трактор жургӧм оз кыв ньӧти дзик,
Сьыланкывъяс талун сійӧ сьылӧ.

Лэччӧ дзодзӧг-юсь, оз мӧс да вӧв,
Йирсьынысӧ ласта вылӧ ӧні.
Сиктса войтыр юӧ лэбач йӧв.
Татшӧм дивӧ сэсся аддзан кӧні?!

Уна дивӧ сиктын нӧшта эм.
Висьталіс мем пызан сайын шурин,
Быттьӧкӧ и пуксьывлӧ нин сэн
Пуяс вылӧ кузь кокъяса тури.