БОРДЪЯС

Ак, кутшӧм вылӧ лэбзьылім,
Мый здук — и тшукам шондіӧдз!
И казявны эг кӧсйылӧй,
Мый лэбалам, да бордтӧмӧсь!

И ӧні потӧм вор дорын
Ми балябӧжъяс гыжъялам,
И быдӧн гора лыддьӧдлӧ,
Код лоис медся мыжанас.

А гашкӧ, тырмас вензьыны?
Вай, бурджык, сосъяс пуджлалам.
Да выль вор вӧчам-лӧсалам,
Эг вунӧдӧй кӧ кужанлун.

А бордъяс... Найӧ быдмасны
Оз вензьӧмысь, оз горзӧмысь,
А быд лунъя бур зільӧмысь
И петасны, и чорзясны.