* * *
Эз вӧв сійӧ олӧмам Яръюгыд кодзулӧн, И торъялан мичлунӧн Лолӧс эз ышӧд... Ме мӧдъяслӧн кывъясысь Дурмытӧдз коддзылі, Бур кыв вылӧ мӧдъяслы Вӧлі зэв лышкыд. Ме думъясӧн лэбалі Ылі да выліті, Кӧн гӧн кодьӧсь изъясыс, Лым еджыд — няйтыс, Кӧн ветлӧдлан туйясыс Веськыдӧсь, шыльыдӧсь, Кӧн сы мында лӧсьыдыс — Он куж и чайтны! Эз вӧв сійӧ олӧмам Яръюгыд кодзулӧн И торъялан мичлунӧн Лолӧс эз ышӧд... А муніс... И югыдыс быри ме водзвылысь, А муніс — И вошті ме Медыджыд мыджӧд.
Гижӧд
Эз вӧв сійӧ олӧмам...
Жанр: 

lkejrlkelkrgner klrjnelknfrkl ekjnrjkenfrej

1