СТАВЫС КОЛАНТОР

Вӧр-валы ставыс колантор:
И ыджыд ю,
И ичӧт шор,
И гулыд яг,
И паськыд видз,
И керкадорса ӧтка кыдз.
Вӧр-валы ставыс колантор:
И мича чвет,
И усьӧм кор,
И вына кӧр,
И кодзувкот,
И помтӧм енэжыслӧн от.
Вӧр-валы ставыс колантор:
И медся ёна,
Дерт жӧ, —
Морт.
Мед сійӧ югзис ӧтчыд,
Кыдз
Вӧр-валӧн медся ловъя мич.
Мед сэки гӧгӧрвоис морт,
Мый тайӧ Муыс —
Сылӧн горт,
И некор мортлӧн мед эз вун,
Мый Муын —
Сылӧн кувтӧмлун.