РӦШТВОПоп сулалӧ вичко шӧрын Пӧчӧяслы бӧрын, Дякӧн вылӧ дзӧрӧ, Паськыд вомнас тадзи сӧрӧ: Рождество твое, кристе боже наш, Коз сира ныра, сет азыма! Нем оз во докод служитӧмысь. Видзӧдлы жӧ ӧшиньӧд, дякӧнӧй, Оз-ӧ кодкӧ ветлы матіті? Чӧскыд сёян оз-ӧ вай? Мый ваяс, ставыс ӧд бур. Господи, слава тебе. ДЯКӦН Дева днесь ресущественная, Даръя тьӧтка вадор чойӧд кайӧ, Йӧв туис зэв ыджыдӧс вайӧ. Кодлы нӧ, кодлы нӧ тайӧ? СЬЫЛЫСЬЯС Сет миянлы, енмӧй! ПОП Слава отцу и сыну и сятому дуку, Дякӧн, мун ӧшинь дорас пукышт, Кыйӧдышт — оз-ӧ мыйкӧ сэті нуны, Сэтшӧма горшӧй тачӧдӧ юны — Кыв ог вермы шуны. ДЯКӦН Локтӧ Сидӧр дядь, локтӧ Сидӧр дядь, Код нисьӧ садь. Пельпом вылас кыскӧ четверть вина, Ёна шенасьӧ кинас. Кодлы тайӧ винаыс инас? СЬЫЛЫСЬЯС Сет миянлы, енмӧй! ПОП Видзӧдлы, дякӧнӧй, видзӧдлы, Оз-ӧ кодкӧ мун вичко дорті, Оз-ӧ мыйкӧ вай вина дорас курччыштны, Курччыштны, курччыштны! ДЯКӦН Локтӧ пӧрысь пӧльӧ, кыссьӧ, Вайӧ татчӧ жаритӧм ыжсӧ. Бӧрвылас дзӧрӧ пӧчӧ, дзӧрӧ пӧчӧ — Кыскӧ наберушка сӧчӧн. Ме думысь, зэв бура вӧчӧ. Восьтӧй мун найӧлы ӧдзӧс... Водзӧ кежлӧ сет миянлы, енмӧй! СЬЫЛЫСЬЯС Сет миянлы, енмӧй! ПОП Паки и паки Видзӧдлы ӧшиньӧд, дякӧн! Оз-ӧ вай кодкӧ мыйкӧ нӧшта, Оз-ӧ вай мӧссӧ ли ӧшсӧ. Видзӧдлы, видзӧдлы, дякӧн... Тырлы и мырлы, акӧ и макӧ... ДЯКӦН (повзьӧмӧн) Двери, двери премудрости вонмем, Локтӧ колхозса юралысь зонмыд... Киас зэв ыджыд палич (Эм-ӧ вичко ӧдзӧсын калич?!) Паличсӧ миянлы вӧзйӧ, Гӧрб кузя сетыштны кӧсйӧ... СЬЫЛӦНЫ (ставӧн) Тайӧ мед лоас тэныд, енмӧй! Юрбитам коскӧдзыд Тебе, господи!!
