ШУДЛУН
Тувсов шоныд войын Гажа керӧс вылын Пукалім ми кыкӧн. Шыльыд енэж вывті Кельыд тӧлысь шлывгис. Мусаӧй тшӧтш мекӧд! Бара, бара сыкӧд Шоныд гажа войсӧ Ӧтлаын ми коллям. Мусаӧйлӧн синъяс Югъялӧны, мича-сь. Юрсиыс зэв небыд — Пельпом вылас лэччӧ. Видзӧдлӧмыс сылӧн Корӧ шудлун, муслун. Видзӧдліс мем синмӧ — Сьӧлӧм пытшкын вирыс Тэрыбджыка тіпкис. Копыртыштіс юрсӧ Менам пельпом дінӧ, Ньӧжйӧникӧн кутіс Вашкӧдны пель водзӧ. Мыйтӧм вӧлі муслун Сійӧ мелі кывйын! Сьӧлӧмъясным миян Чукйӧн тыри шудӧн... Друг мем гажтӧм лои, Жугыльтчис друг сьӧлӧм. Ышловзьӧмӧн шуи Аслам донаӧйлы: «Мыйла муслун пома, Мыйла шудлун миян Регыд кежлӧ волӧ? Мыйла тэкӧд, муса, Торйӧдчыны лоӧ?» ...Садьми, гӧгӧрвои: Вӧлӧма кӧ тайӧс Вӧтӧн аддзывсьӧма. Садьмӧм бӧрын пыр жӧ Ме син водзын воссис Вемӧс оланінӧй: Пывсянын кодь пӧсь. Лолавны он вермы. Сьӧд тшын синтӧ сёйӧ. Гӧгӧр, барак тырным, — Джоджын, наръяс вылын Узьӧны салдатъяс, Шкоргӧны ныргорӧн. Мӧвпышті ме сэки: «Узьӧй, дона ёртъяс, Ме моз жӧ ті, гашкӧ, Вӧтасянныд шудлун». Сьӧд тшын синмӧс сёйис, — Ӧдйӧджыка куни. Унмовськӧдчиг менам Юалӧм сэк кыптіс: «Кӧні нӧ тэ, шудлун?!»
Гижысь: 
Гижӧд
Шудлун
Жанр: 
Гижан кад: 
Пасйӧд: 

Г. Торлоповлӧн "Кыдзи сійӧ босьтчис" статьяысь.

lkejrlkelkrgner klrjnelknfrkl ekjnrjkenfrej

1