КУЖТӦМ УДЖ ВЫЛЫН
Шыръяс кумӧ йӧртӧд пиӧ Овмӧдчӧмась тырыс. Мыйтӧм налькйӧн эгӧ виӧй, Огӧ аддзӧй бырӧм. Гырысь шыръяс, посни пиян — Ставыс ӧтвыв горзӧ. Колян гожӧм каньӧс виим, Каньтӧг олім арсӧ. Мый нӧ керны? Ставсӧ няньӧс Сёясны пеж горшъяс... Кызӧсь, тшӧгӧмаӧсь, шаньӧсь, Ёнӧсь, быттьӧ ошъяс. Вай жӧ йӧртлам сэтчӧ понйӧс, Пыр жӧ йӧртны колӧ! Онӧ дыр ті радлӧй, зонъяс, Регыд эштас олӧм! Не жӧ понлы кӧч пыр увтны — Мӧд удж сылы сюри. Ноко, понйӧй, татчӧ сувтлы, Шырпиянсӧ пурышт. Понйӧс босьтіс, коскӧд кутіс, Дзумгис йӧртӧд пытшкӧ. Пон сэн кыйны шырӧс кутіс — Сідз и найӧс ытшкӧ! Понйыд сэні быдса вежон Пемыдінын оліс. Ӧти шыр эз недель чӧжӧн Сылы вомас волы. Вӧля вылӧ петӧм бӧрын Синмыс воши сылӧн: Эз кут урӧс увтны вӧрын, Мунны кӧин вылӧ.
Гижысь: 
Гижӧд
Кужтӧм удж вылын
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1