КОЛЬӦМА ТАЙ
Собор вичкосянь йӧз Праздник лунӧ, кыдз гез, Мунӧ. Сэні быдсямаыс... Эм и вӧсни и кыз Уна. Жыннян клёнӧдчӧ «бом», Йӧзлӧн пельӧдзыс вом — Любӧ. Мича паськӧмыс, ён, Мунӧ вичкосянь зон Клубӧ. Петіс вичкоысь поп. Нуӧ кырымас ноп Мӧс кодь. Бокас попаддя эм. Пырыс тыдалӧ вем, Кызкодь! Шуӧ гӧтырлы поп: «Шогла потӧ нин лоп Менам. Енлы кевмысьӧм оз Тырмы важыся моз Тэнад. Важӧн мый колӧ вай! Оз и йӧв-вый да яй Бырлы. Чукйӧн зепъясӧй сэк, Кодыр славитлі, век Тырлі. Аттӧ, кольӧма тай Сэтшӧм лӧнь олӧм сай Ылӧ. Ӧні верстьӧ и том Вӧчлӧ ме вылӧ вом — Сьылӧ. Локтас вичкоӧ ныв... Он нин сись вылӧ кыв Клёнгӧм. Волӧ вичкоӧ зон Шоча. Оз нин быд скон Шлонгы. Клёнгы, пӧрысьӧй, тэ, Чӧдйӧн дарйӧда ме Тэнӧ. Воссяс тіянлы рай: Югыд (сӧмын нин кай) Сэні. Оз сет миянлы яй, Видз дыр сёйыштӧ тай Ачыс. Сэтшӧм йӧзъяслы ад!.. Эськӧн (вӧлі кӧ лад) Швачӧд. Отсӧг сетысьяс эм. Но ӧд дженьыд нин нэм Налӧн. Коді коми да роч, Коді тырӧма проч Сала-н. Синтӧм пӧчӧ да пӧль, Сэсся код абу гӧль Ме дор. Кодкӧ, Тшапитчысь Миш, Сэсся кыз рушку Гриш Педӧр. Мукӧд поп-дякӧс, ок! Видӧ быдсяма ног Лёкысь. Ачыс миянлы бур Кыськӧ кыскыштас гур Бокысь. Йӧзлысь оз радейт страсьт (Сійӧ миянлы смасьт!) Кывсӧ. Шуӧ: “Коми йӧз, эн Коми гижӧдтӧ тэ Кывзы.” Ӧні, матушка, ми Огӧ яндысьӧ нин Кывйысь. Тӧдам: кыв — ыджыд вын, Сійӧн кӧть кытчӧ сын, Тывйышт».
Гижысь: 
Гижӧд
Кольӧма тай
Жанр: 

lkejrlkelkrgner klrjnelknfrkl ekjnrjkenfrej

1