КИЛЬЧӦЫС ТАСА

Менам музалӧн дыр вӧлі кильчӧыс таса —
Сійӧс вӧтлісны арся вӧт вӧталысь расӧ,
Кӧні йирмӧгла тіраліс кыдз пу да пипу,
Нерсис шомъяснас ваймӧм и кӧдзалӧм бипур.

Дерт ӧд, татшӧм нартитӧм сьӧлӧмӧ инмис
Менам дзирд югыд синваӧй доршасис синмын.
Ыджыд каръясын, сиктъясын олӧмыс пуис —
Быгъя гыясӧн бузгисны-увгисны юяс.

А ме ылісянь жугыля видзӧді сэтчӧ,
Кӧні шондіыс лунысь-лун петӧ и лэччӧ,
Асъя кыалӧн ӧмидз рӧм шебралӧ мусӧ,
Рытъя кыаыс мойдігтыр пармаын кусӧ.

Менам музалӧн кильчӧыс таса,
Сійӧ узьмӧдчис сёр арся расӧ.