ВӦР КЫЛӦДЫСЬЯСЛӦН
Тулыс Эжва йи кылалас, Паськыд Эжва шондібан. Йӧзлӧн сьӧлӧмыс вӧрзялас, Сьывнысӧ кӧ горӧдлам. Шонді петас, Мусук локтас, Ой, Васюк, сьӧлӧм ёнтӧ... Ваян ӧд?.. Али он тэ? Синва кисьтӧ бӧрдысь нывка. Паськыд Эжва шондібан. Эжва пасьта пуръя кывтӧ. Сьывнысӧ кӧ горӧдлам. Припев. Пурйӧн кывтӧ менам мусук. Паськыд Эжва шондібан. Гудӧк шыыс оз и куслы. Сьывнысӧ кӧ горӧдлам. Припев. Нывка сиктын коньӧр ӧтнас. Паськыд Эжва шондібан. «Муса Васюк, мый он гӧтрась?»... Сьывнысӧ кӧ горӧдлам. Припев. «Аски асыв ачым муна!» Паськыд Эжва шондібан. Кӧрӧванкаын йӧз уна. Сьывнысӧ кӧ горӧдлам. Припев. «Сиктса войтыр, том и пӧрысь», — Паськыд Эжва шондібан, — «Энӧ кольччӧй миян бӧрысь!» Сьывнысӧ кӧ горӧдлам. Припев. Вит вося план нёльӧ пӧртам. Паськыд Эжва шондібан. Став буржуйсӧ гидӧ йӧртам. Сьывнысӧ кӧ горӧдлам. Припев. Сиктыс гызис, сиктыс пуӧ. Паськыд Эжва шондібан. Нопъя войтыр сэні жуӧ. Сьывнысӧ кӧ горӧдлам. Припев. «Кылӧдамӧ ӧти кертӧг!» Паськыд Эжва шондібан. «Эн люкасьлӧ берег бердӧ!» Сьывнысӧ кӧ горӧдлам. Припев. Пурйыс лэбзьӧ быттьӧ бордъя. Паськыд Эжва шондібан. «Ноко, Васюк, кодным ордъям!» Сьывнысӧ кӧ горӧдлам. Припев.
Гижысь: 
Гижӧд
Вӧр кылӧдысьяслӧн
Пасйӧд: 

Анпим Костроминкӧд ӧтлаын

lkejrlkelkrgner klrjnelknfrkl ekjnrjkenfrej

1