ЭН ЫЛӦДЛЫ

Эн ылӧдлы, оз ло, мый вӧлі,
Важ шудӧй некор бӧр оз во.
Код ӧтчыд ылавлӧма вӧлі,
Оз мӧдысь ылав — гӧгӧрво!

Оз инась некод дінӧ сьӧлӧм,
Тэ важ моз муса он нин ло:
Сідз паляв мисьтӧм вӧтӧн, вӧлӧм,
Оз збыльӧ пӧр, оз вемӧс ло.

Тэ менсьым шогӧс эн нин вӧрӧд,
Мый вӧлі — вунӧд, эн шу кыв,
Эн коньӧр сьӧлӧмӧс тэ бӧрдӧд, —
Ме вемӧс вылысь узя, ныв!

Ме узя. Долыд меным тадзи.
Эн казьтыв воддза олӧмтӧ:
Бӧр мусатор ме ог нин аддзы,
Вай вунӧд, пӧдты колӧмтӧ!..