ГУСЯ КӦЙДЫС

Рытгорув пызйӧ посни зэрӧн.
Зэв яра швучкӧ лэчыд тӧв.
Том нывка мунӧ бӧрдӧмсорӧн. — 
Кок бӧрас кыссьӧ кӧті кӧв.
Пӧсь морӧс бердас гуся кӧйдыс, — 
Зэв нора никсӧ мыжтӧм лов.
Нор аньлӧн синъяс гӧгӧр дувгис.
Быд вуджӧр чуйдчӧ,^Чуйдчӧ — кажитчӧ./^ мый оз ков:
Со быттьӧ жӧдзӧ мути йылӧм.
Кузь плетьӧн панйӧ ош кодь ай,
Зэв нора кывлас кыськӧ сьылӧм,
Кыдз сьывлӧ кувтӧдз доймӧм кай.
Шпынь мыччис тӧлысь кельыд бансӧ.
Дрӧгмунлі нывка, тірзьӧ весь.
Кыркӧтшӧ нӧйтӧ юсянь валсӧ,
Тшын-бусӧн качӧ гыяс сэсь.
Гы пӧвстӧ шлывгис гуся кӧйдыс.
Бурсмуні — вӧйи... Лӧньліс тӧв.
Дыр кырйӧд мамыс коньӧр войліс,
Кыдз быттьӧ ярмӧм чардби ньӧв.
Пыр гусьӧн нюжтіс, коньӧр, кынӧм.
Син сайын чужтіс арся вой.
Эз тӧдлы некод дзебны нуӧм, — 
Йир пыдӧс дзебис гуся шой.