КОМИСЕЛЬБАНКЫН


Комисельбанк лӧсьӧдчӧ выль 1926–27ʼ во вылӧ. Тӧдмалӧ ассьыс воддза уджсӧ. Колян вося уджыс тыдалӧ со кутшӧм цифраясысь:

40 удждысян тӧвариществояс пыр мунӧма кредит (уждысьӧм): а) кузь строка — 117.030 шайт, б) дженьыд строка — 474.500 шайт.

Тайӧ Изьватӧг. Изьва агенство пыр мунӧма сьӧм 140.745 шайт да 94 ур.

Выль 1926–27ʼ во вылӧ план серти Комисельбанк корӧ Россельбанклысь 990.390 шайт. Таво лои омӧль турун-нянь, сы кузя Обисполком Комисельбанк пыр корӧ содтӧд сьӧм кӧйдысъяс да скӧтлы вердасъяс лӧсьӧдны. Кӧйдысъяс вылӧ план серти вӧлі индӧма 24.000 шайт, содтӧд корам нӧшта 80.000 шайт, ставыс лоас 104.000 шайт. Скӧтлы кӧрымъяс вылӧ план серти вӧлі индӧма 12.000 шайт. Ӧнӧдз огӧ на тӧдӧ, гырысь-ӧ кредитъяс сетас Россельбанк.

Комисельбанк Правленньӧсянь ӧні наросьнӧ муніс ӧти морт Мӧскуаӧдз, медым унджык сьӧм ликмӧдны Россельбанксянь. Дерт, миянлысь планъяс чорыда чинталасны, корӧм мында сьӧм Россельбанк сетны оз вермы, сідзтӧ сылӧн сьӧмыс некытчӧ оз судзсьы. Сы понда Банклы, да и удждысян тӧвариществояслы чорыдджыка ковмас чукӧртны сьӧм аслыныс: вкладъяс да текущӧй счётъяс; мед сьӧм удждысьысьяс киӧ оз сибды, ӧдйӧджык бергалӧ (колӧ уджӧн босьтӧм сьӧм строк кежлӧ мынтыны, не сюйны сьӧм тӧваръясӧ да сідз водзӧ). Татӧг удждысян удж оз ёнмы.

Та ног уджавны босьтчыны отсаласны Комисельбанклӧн инспекторъяс: найӧ ӧні муналісны тӧвариществоясӧ во помавны, отчётъяс лӧсьӧдавны. Тшӧтш индаласны, кыдз водзӧ уджавны. Сэсся ӧд прамӧйджык уджалысьяс лоасны тӧвариществояслӧн асланыс: ӧні найӧ велӧдчӧны счетоводъяс курс вылын, сэсь помалӧм бӧрын кутасны тӧвариществоса счетоводъясын уджавны.


Гижӧд
Комисельбанкын

lkejrlkelkrgner klrjnelknfrkl ekjnrjkenfrej

1