* * *

Меным эськӧ унаыс оз и ков,
медым челядь быдмисны,
мам эз пов,
мый кодыр пӧрысь нюкыртас,
едждас юр,
юр сюяніныс сылы оз сюр.
Кор петас вӧлӧсьтӧ
томиник ныв,
медым эз горӧкты
шог сьыланкыв.
Мед сійӧс виччысьысь
статя зон
мамыс кодь муса,
батьыс кодь ён.
Мед налӧн челядьлӧн
быдмасны кор,
олӧмлӧн визьыс
оз бара ор...
Бара ме та йылысь...
прӧститӧй менӧ.
Кодлы нӧ кевмыны?
Ылын тай Енмыс.
Вунӧдӧма Енмыслӧн
коми мусӧ.
кусӧ югыд шондіӧй,
кусӧ, кусӧ...