* * *

Радейтчӧмлӧн
курыдыс
олӧ
синва войтын...
Ӧти войт и олӧмыс,
а сэтшӧм ёна дойдӧ...
Ӧшкамӧшка
чужӧ
синва войтын —
кодкӧ бара
муслун йылысь
мойдӧ...

Со и кусі
синва юсӧ
вуджан поскӧй...
Отсалас ӧд кодкӧ вуджны,
оз кӧ, —
чериыдлы тӧдса
ваын олӧм,
сӧмын
кывбуръясам
унджык
лоӧ
солыс...
И век жӧ
радейтчӧмысь
некор
ме ог пӧт.
И олӧмыс тай менӧ
оз и велӧд.
Мед сьӧлӧм пытшкын
помся зэр да слӧт,
ӧд кывбуръясӧй —
радейтчӧмлӧн челядь.