* * *

Кор миян дорысь мунӧ медводдза любов,
да аслас чегӧм борднас вевттьӧ мусӧ,
сэк быттьӧ ӧшкамӧшка ньӧжйӧникӧн кусӧ,
да кӧнкӧ сьӧлӧм бердын сибдӧ лов.

И кажитчӧ, мый оз нин бергав муыс,
и кадыс тшӧкмунӧ да воштӧ ассьыс ӧд.
Но вояс кольӧны... И разалыштӧ руыс...
И со нин мувыв ёртыд кодкӧ мӧд.

И сӧмын коркӧ другысь садьман войнас
да кылан, кыдзи сьӧлӧм петӧ ортсӧ...
Тэ корсян, коран радейтана морттӧ...
Но бара колян ӧтнад аслад дойнад.