* * *

Бара локті тэ дорӧ, Марина,
кӧть и коми кывсӧ тэ он тӧд.
Со и воссис... Кунсьӧмаӧсь синъяс...
Бӧрдан?.. Бӧрда?.. Гашкӧ... Ме ог тӧд.

Сьӧд няньторйысь бурыс нинӧм абу.
Юам тэкӧд сакартӧм ми чай.
Эн вай лӧгась, шуа кӧ ме — баба,
Висьтась, кыдз мый олан вай.

Кылан — чайыс со ӧд кыдзи варгӧ...
Кори гӧстьясӧс ме, дивит-эн —
Локтасны Стахович да Вахтангов,
Сьӧкыд кӧма Соня Голлидэй.

Тэнсьыд, кужа кӧ, ме сывйӧ ӧкта
Радейтӧмла койӧм дзирыд дой.
Бара, бара тэ дінӧ ме локта...
Синъясысь на ыджыд синва войт.