* * *

Гортӧй, гортанӧй, лайкыд потанӧй,
Удӧ льӧмпуӧс Кычан шор.
Шорлӧн сёльгӧмыс, лэбач дзользьӧмыс
менам потанлӧн сьылана гор.

Гортӧй-гортанӧй, еджыд отанӧй,
Менам льӧмпулӧн кӧлысь гор.
Еджыд розъяссӧ меным козьналіс,
Талун сиктын ме медшуда морт.

Гортӧй-гортанӧй, кӧн ме, кодарын?
Шорыс кылӧдӧ ӧтка кор.
Коркӧ, колӧкӧ, выльысь ловзя ме.
Менӧ виччысь тэ, гортанӧй-горт.

Гортӧй-гортанӧй, мунан-локтанӧй.
Чужӧ льӧмпулӧн тувсов кор.
Ловзьӧм коръясӧн туйсӧ вольсалӧ,
Биа ӧшиньӧн чуксалӧ горт.