БУРЛАК МОРТ

Уна рыт ме колли
Муса нывкӧд дыр,
Уна пӧлӧс сёрни
Сёрнитлывлім пыр.
Пыр ми кӧсйим сыкӧд
Ӧтла-н кольны нэм.
Эг и тӧдлӧ, пырис
Миян костӧ рӧк.
Муні ӧтчыд рытын,
Кытӧн овлім ми,
Муса нылӧй меным
Сетіс ассьыс ки.
Аслас синва-с лэччӧ,
Быттьӧ ыджыд шор:
— Менӧ тэкӧд татчӧ
Суис ыджыд шог.
Вӧлӧм нылӧс батьыс
Видӧ лёка зэв...
Уна пӧлӧс сёрни
Сёрнитім ми сэк.
Регыд коли рытыс,
Мунны лои мем...
Ог нин аддзыв сэтысь
Мича нылӧс ме.
Мӧд лунас жӧ нылӧс
Тойыштіс ӧд бать,
Верӧс сайӧ сетіс
Пӧрысь сайӧ пыр.
Кыдзи тӧвся кадын
Муыс из кодь кын,
Сідз жӧ менам сьӧлӧм
Морӧс пытшкын кын.