ВЫЛЬНОГСА ОЛӦМ ЙЫЛЫСЬ
Шонді кайӧ, йӧзлы вайӧ Югыдлун да югыд гаж. Овны выль ногӧн ми кутам, Ӧні кадыс абу важ. Муса батьӧ, муса мамӧ, Ог ме пемыд мортӧн ов: Муна велӧдчыны карӧ, Сэтчӧ лэбзьӧ менам лов. Матрен тьӧтка важӧн шуліс: Мем пӧ грамота оз ков! Таво шыпасъяс нин тӧдӧ, Вермӧ гижны ассьыс ов. Шоныд гожӧм бӧрын арын Усьӧ муяс вылӧ пуж. Менам сьӧлӧм шогӧн тырӧ, Мыйла лыддьысьны ог куж. Кодлӧн татшӧм мича керка? Тайӧ миян выль нардом. Регыд сійӧ, муса вокъяс, Вӧчас пемыдыслы пом! Менӧ мамӧ ёна видӧ, Мыйла вичкоӧ ог мун, Мыйла клубйӧ, комсомолӧ Ветла-котрала быд лун. Степан Васьӧ со мый шуӧ: «Эм пӧ бабаыдлы ньӧр!» Менам гӧтыр — делегатка, Сыкӧд нинӧмтор он кер! Энӧ корӧ менӧ, нывъяс, Ог ме ворсанінӧ мун: Делегаткаяслӧн талун Клубйӧ чукӧртчылан лун. Кӧсйис энька моньӧс нӧйтны. Эз тай повзьы сылӧн монь; «Миян права ӧні ӧткодь, Аслад рожа оз ло дзонь!» Талун гижсим муса нывкӧд. Гижсян уджыс абу кузь. Сэсся спектак вылӧ мунім. Вичко дум вылӧ эз усь. Парта вина кӧсйи юны, Сэсся шуи аслым: Ог! Нига та вылӧ ме ньӧба, Нига пальӧдыштас шог. Войдӧр гымыштас кӧ кымӧр: Со пӧ лӧгасьӧма ен. Ӧні быдӧн тэныд шуас: Электричество пӧ сэн. Енлы юрбитӧмӧн ёна Корсьӧ пӧчӧ аслыс рай. Кывзы, пӧчӧ, кулӧм бӧрад Гусьыд раяд он нин кай. Аттӧ дивӧ, Спира Прокӧ Кутшӧм лои ӧні сюсь: Оз и дугдыв, мыйкӧ гижӧ, Весиг войяссӧ оз узь.
Гижӧд
Выльногса олӧм йылысь
Жанр: 
Пасйӧд: 

Спира Прокӧ — Кӧрткерӧсысь том морт. Комсомолеч. Водзмӧстчысь селькор, коми гижысь, дерт, босьтчысь на.

lkejrlkelkrgner klrjnelknfrkl ekjnrjkenfrej

1