СУДОВЕРФЬ
Сьылісны тросъяс Скӧр тӧлыскӧд ӧти аккордӧн, Пилаяс дзажгисны, Тиньгис упорнӧя чер. Ыджыд баржаса Шпангоутлысь сӧмын куш ордлы Петкӧдліс миянлы Эжваса выль судоверфь. Видзӧдім ми, Кыдзи балкияс водӧны пластӧн Сьӧрсьыныс вайӧмӧн Яг вывса енэжлысь рӧм. Эжвалысь джуджыд Да быдӧнӧн вунӧдӧм ласта Стапельяс борд улысь Некыдз ме талун эг тӧд. Балкияс лыбисны Вылӧ, и вылӧ, и вылӧ... Тэрмасис мастер Лебедкалысь зэлӧдны крюк. Кажитчис, сы дінӧ Медводзын котӧртіс тулыс Вашнитны сы йылысь, Лӧзӧдны пондіс кыдз ю. Сэсся оз помнит нин: Шойччыліс эз сійӧ коркӧ... Пакляӧн, сирӧн да тросъясӧн Лолаліс став судоверфь. Мастерлысь вушйӧм Да едждӧм нин виж гимнастёркасӧ Азыма окавліс, окавліс Югыд том зэр. Первойысь аддзим, Баржаяс кыдз кывтӧны ваӧ: Кыпӧдчис сэтчӧ строитель Да лэптіс, кыдз знамя, флажок. Медым эг верит, — Сюрс тоннаяс лэптысь баржаяс Быттьӧ кӧ ки вылас кутӧмӧн Эжваӧ лэччӧдіс морт. Стапельын балкияс Бара нин водісны пластӧн, Тури моз копрасис мулань Лебёдкалӧн крюк. Вӧвлӧм салдат — Судоверфь вывса медся бур мастер Дась вӧлі качӧдны юр весьтӧ Алӧй флажок, кыдзи шуд.
Гижӧд
Судоверфь
Жанр: 

lkejrlkelkrgner klrjnelknfrkl ekjnrjkenfrej

1