ЫЛЫС МУЫСЬ ГӦСТЬ
Шонді эз нин пӧж зэв яра, чинтіс гожся пӧсь сэк, кор воліс Сыктывкарӧ ылыс муысь гӧсть. Кузь сёрниӧн пызан дорын сійӧс ме эг видз. — Петкӧдлы вай, — ачыс корис, — вӧр-ваыдлысь мич!.. Арнад овлӧ бабьей гожӧм, шензьӧдана рӧм, быд пу миян Эжва вожад кисьтӧ зарни сьӧм. Веж видз вылысь гӧстьным аддзис важӧн косьмӧм пур... Быттьӧ аслам мыжысь яндзим личкис мулань юр. Мыйла збыльторсӧ ме восьта, — абу на ӧд йӧй, — мися, кӧтасис да косьтам, медым оз нин вӧй! Чурвидзис быд тыын, юын сунӧм керлӧн пом. Бара пӧръялі да шуа: — Жергӧдӧма вом арся тшӧгӧм ком!. Сімӧм тросъяс, кыдзи лэчьяс, му джынсӧ кӧть потш... Мися, дзугъяс ковмис тэчны, — чери кыйӧ ош!.. Гӧстьлысь менам мича висьтӧй нюмӧн ӧзтіс вом. Вӧр-ватӧ, шуа, оз мисьтӧмт бур «Комилеспром»! Эг казьтышт, мый ытва нуас, тӧлын вевттяс лым да кор ассьыс кывсӧ шуас сылы чорыд гым. Жаль, мый тайӧ лоас сёрӧн, сэк, кор бырас вӧр... А вот ӧні эськӧ колӧ чургӧдлыны ньӧр!
Гижӧд
Ылыс муысь гӧсть
Жанр: 

lkejrlkelkrgner klrjnelknfrkl ekjnrjkenfrej

1