ТУЛЫСТулыс! Кыпыд асывводз кыскӧ ывла вылӧ, но, а меысь ёна водз дворник петӧ. Сылы медводз шуа: — Чолӧм, ёрт! — нюмъёвта зэв пӧся, кутшӧм, шуа, сійӧ удж, мышкыд кӧ оз пӧсяв! Поштальонным оз жӧ узь тулысын кӧть арын. — Тэнад, шуа, туйыд кузь сиктын, мича карын, сумкаыд кор тырсьыс-тыр да и водзӧ сьӧктӧ, быд керкаӧ радлун пырт, медым бур морт йӧктӧ! Зіль шофёрӧс оз босьт жуй, аддза, тӧвзьӧ сійӧ... Горза сылы: — Шуда туй! — ӧвта кыкнан киӧн. Керка тэчны мунӧ ныв, кадыс кӧть и водз на. Медся мича сьыланкыв кыдз сылы он козьнав! Чолӧмавны найӧс ме медся пӧся кужа, кодъяс ассьыныс бур нэм мичмӧдӧны уджӧн. Тулыс! Лок жӧ, гажа тулыс, козьнав мичлун мулы!
