СЬӦД СЭТӦР

Кӧдзыд ёль бердын ыркыд да пемыд,
Тані гыалӧ пыр еджыд ру.
Шонді некор оз нюмъёвтлы тэныд,
Паськыд коръяса сьӧд сэтӧр пу.

Гулыд яг вылӧ ачыд он вӧзйысь,
Вежтӧ тэнсьыд оз петкӧд и оз: —
Сьӧд брильянтъяс моз морӧсад ӧзйӧ
Арся пужъясӧн мичмӧдӧм роз.

Лэчыд вой тӧв кӧ морӧсӧс кынтас,
Дугдас збоявны сӧнъясын вир,
Тӧда, ассьыд сэк юкыштан вынтӧ,
Медым висьӧмыс дзикӧдз оз йир.

Уна тшап войтыр му вылас олӧ,
Быдӧн на лыдысь ачыс Нарцисс.
Меным муса сьӧд сэтӧра ёльыс,
Кытчӧ некутшӧм вуджӧр оз письт.