СЬӦД ОШ
Тӧвбыд гуын узис Чукля кока ош, Коскыс ёна мудзис, Сыліс лишнӧй гос. Гашкӧ, дыр на радліс, Вӧтнас нюліс ма, Кватитчис да, задйыс Ва... Вӧрӧ воис тулыс, Садьмис визув шор, Воссис пелысь пулӧн Медводдза веж кор. Петіс дзескыд гуысь Миян чукля кок. «Мыйла паныд, — шуӧ, — Некод дзик оз лок?» Йӧра сыысь полӧ, Ылӧ пышйӧ кӧч. Сёйны ошлы колӧ, — Нинӧм ӧд он вӧч! Расӧд ордым мунӧ, Вуджӧ нюр да шор. Тайӧ тувсов лунӧ Восьлаліс сэт морт. Пищаль пыдди киас Вӧлі выль букварь, Но, а аслыс сылы Вӧлі сизим ар. Школа бӧрын гортас Муніс ичӧт зон, Орччӧн вӧлі ёртыс — Буско нима пон. Зонлӧн батьыс кыйсьӧ, Вайӧ кӧч да ур, Сы кодь мӧд бур кыйсьысь Некытысь оз сюр. Велӧдчас да кутас Кыйсьыны и пи... Ошлы сэсся юкам Водзӧ висьтсӧ ми. Некод сылы туйсӧ Ӧнӧдз на эз потш: Ордым шӧрӧ сувтіс Ош... Мунӧ, мунӧ, Вася, Мунӧ сьылігтыр. Коді ыджыд пася Сулалӧ, кыдз мыр? Медводз Буско кыліс... Буско — зэв сюсь пон! — Уськӧдчис ош вылӧ, Кӧть и эз вӧв ён. Ошкыд... Быттьӧ сыліс, Быттьӧ эз и вӧв, Медкузь пожӧм йылӧ Лыйыштіс, кыдз ньӧв. Туган йылас ӧшйис Шердын пасьта плеш... «Петкӧдла тэн, нӧшлы, — Вася шуӧ, — теш!» И рогатка помысь Вывлань тӧвзис из. Нолтӧсь, гуын олысь, Чугун плештӧ видз! Бугыльсӧ эз вевъяв Читкыртлыны ош, Плешкас быттьӧ ньӧвйӧн Лотш! Турлігтігас сійӧс Эз эськӧ и кут, Сетісны кӧ киас Сизим парашют. Школаса музейысь Аддзам ошсӧ ми. Кыдзи сэтчӧс воис, — Сы йылысь и висьт.
Гижӧд
Сьӧд ош
Жанр: 

lkejrlkelkrgner klrjnelknfrkl ekjnrjkenfrej

1