* * *

Стенын ӧшалысь календарысь
Бара нетшышті ӧти лист...
Жаль, мый олӧмлӧн воӧм арын
Пані та йылысь ассьым висьт.

Вояс кывтӧны, лоам дзорӧсь,
Кӧть он сетчы, но босьтӧ жуй.
Асьным кватитчам вывті сёрӧн
Кыткӧ веськӧдны мунӧм туй.

Кадлысь визувсӧ сьӧкыд венны,
Мӧдысь некор он ло нин том,
Медся лёк,
		кодыр аслад нэмлысь
Кутан виччысьны локтан пом.

Мыйкӧ вӧчӧма, мыйкӧ вӧчтӧм...
Кытчӧ котӧртан, муса ун,
Кор война бара аддзан, стӧч кӧ,
Ӧкмыссё менсьым лыйлӧм лун?

Ӧти лун сэн пӧ кык во вештӧ,
Сідзкӧ, нинӧмысь нин ог пов:
Кык нэм, аддзанныд, овны эшті,
Мӧд ног шуны кӧ, кыксё во!