САЛДАТ
Дзуртӧ кок улын лым. Пуяс сувтісны туй пӧлӧн чӧлӧсь Эзысь кыалӧн югӧрыс писькӧдчӧ кельыд да рам. Пыр салдатскӧй походкаӧн мунӧ делянкаӧ-вӧрӧ Долгосрочнӧйӧ воӧм гвардейскӧй значока сержант. Регыд лоӧ вит во, кыдзи ассьыс погонъяссӧ пӧрччис, Зептас бережнӧ пуктіс боецлысь военнӧй билет... Но оз торйӧдчы сьыланкыв, — сьыланкыв сыкӧд пыр орччӧн, Кодӧс сьывліс походъясын: «Лэбзьы, пӧсь сьӧлӧмӧй, тэ...» Эжва берег эз вунӧдлы зон, джын Европасӧ муніс кӧть подӧн, Сталинград дорсянь Эльбаӧдз кыссис салдатлӧн кӧть туй. Аслас вирӧн и олӧмӧн дорйис народлысь свобода, Видзис челядьлысь радлун и миянлысь шондіа му. Дзуртӧ кок улын лым... Ставсӧ казьтывны ӧні кыдз верман! — Чужан серпасыс ӧвтӧ том сьӧлӧмӧ уна выль мӧвп... Удал ёртъяслӧн киясын бара нин ворсӧны черъяс, И КТ-яс, дзик танкъяс моз, лэптӧны турӧб кодь тӧв. Тані бара кыдз бой, быд делянкаын зэв чорыд схватка, Колӧ сьӧлӧмын выдержка кутны салдатскӧйӧс век, Медым Сталинлы висьталӧм уна пӧсь сьӧлӧмысь клятва Зарни пожӧмӧн мичмӧдіс лунвылын паськалӧм эрд; Медым ӧзйисны бияс веж пуяслӧн туганъяс йылын, И пустыняӧ письтіс сӧдз ва — тшыгмӧм муыслӧн вир. Сійӧн сувтіс салдат трудовӧй тайӧ вахтаыс вылӧ, Медым видзны став му вылын радостнӧй мир. Киын кӧдзыд рычагъяс. Быд пасека тӧдса нин важӧн. Ӧтмоз тіпкӧны, кажитчӧ, сьӧлӧм да вына мотор, Быттьӧ асывкӧд тшӧтш тані садьмӧма том йӧзлӧн; гажлун, Кодӧс нинӧм дзик паськыд яг вылысь ӧні оз торк. Мирнӧй асывлӧн мичлуныс ставлы делянкаын муса, А салдат — эм салдат: сылысь медбура висьталас дон... Сійӧ некор оз вунӧд, мый сылысь Отчизнасӧ-мусӧ Кӧсйӧ тойыштны биӧ банкиръяслӧн сьӧд Вашингтон. Но, водитель спокойнӧй. Могучӧй народлӧн став выныс Видзӧ челядьлысь ун и делянкаысь творческӧй удж. Сійӧ тӧвзьӧ выль рейсӧ. И сьыланкыв шызьӧдӧ сынӧд — «Лэбзьы, сьӧлӧмӧй, тэ»... — фронтовӧй узьтӧм войяслӧн друг. Смена помасяс сэки, кор мыччысяс енэжын кодзув, Но оз ланьтлы пӧсь сьӧлӧмын ыпъявны куслытӧм би. Эм салдатскӧй уставын: коді мудзлытӧг котӧртӧ водзӧ, — Тэрыб мунӧмӧн шедӧдӧ сійӧ Победа и Мир!
Гижӧд
Салдат
Жанр: 

lkejrlkelkrgner klrjnelknfrkl ekjnrjkenfrej

1