НЫВБАБА, ВОЙНАСА ВЕТЕРАН

Анна Алексеевна Худяевалы, Великӧй Отечественнӧй войнаса ветеранлы, вӧвлӧм военфельдшерлы
Сьӧлӧмыд видзчысьтӧг нормас, оз сэсся ӧдйӧ и ланьт, шуасны тэныд кор: — Дзорман, ӧтарӧ дзорман, бур ань!.. Воча кыв серамӧн сетан: — Юрситӧ, другӧ, он дзеб, квайтӧд дас во кӧ нин петӧ, кадыд оз пӧтка моз лэб!.. Тадз, гашкӧ, помасяс сёрни, выль тшупӧд сэсся оз вудж. Чужан му кыдзи тэ дорйин, висьтавны ог ӧмӧй куж? Гымаліс кӧртӧн да биӧн тысяча лун да сьӧд вой. Тышын быд ранитчӧм пиӧс сывъяліс тэнад пӧсь сой. На дінӧ кыссьылін нюрӧд, ва вомӧн вуджны эн пов, некор эн думыштлы бура, кӧн ассьыд пӧльыштан лов. Тадз ӧд и дзормисны нывъяс, чишкавліс кодъясӧс бой, сӧмын эз тырмывны кывъяс ассьыныс восьтыны дой. Харьковсянь лунвылын сатшис миналӧн доналӧм тор, пӧдны нин кутлін Сивашын, сы вомӧн восьлалін кор. Сьӧлӧмыд неуна нормас, оз сэсся ӧдйӧ и ланьт, шуасны тэныд кор: — Дзорман, ӧтарӧ дзорман, бур ань!.. Вочавидз быдӧнлы гора, пузьылас мед налӧн вир: — Тіянлы, шудаяс, дорим асланым олӧмӧн мир!..
Гижӧд
Нывбаба, войнаса ветеран
Жанр: 

lkejrlkelkrgner klrjnelknfrkl ekjnrjkenfrej

1