МТС-ӧ ЛОКТІС КАРЫСЬ
МТС-ӧ локтіс карысь Вывті удал, варов зон; Здоровайтчис да зэв яра Пасьталіс комбинезон. Шӧйӧвошисны став нывъяс: Со, пӧ, кутшӧм кавалер, — Сутки чӧжӧн трактор вывсянь Весиг кияссӧ эз сет. Зонлӧн ставыс гӧгӧр пуӧ, Ачыс шуткаысь оз кеж. Ассьым мусаӧс ме, шуас, Нывъяс, ті вылӧ ог веж. Зэв ӧбиднӧ татшӧм кылыд, Ставлы вайӧ ыджыд дой, Эз ӧд прӧста мича нылыс Вошты сьӧлӧмсьыс спокой. Кӧть и бӧрӧ колис тулыс, Зон оз думайт кольны сикт, Быттьӧ тайӧ шобді муыс Лои морӧс бердас дзик. Ӧні шогсьыштӧны нывъяс: Эм, пӧ, сэтшӧм жӧникпу, Кодӧс уна мелі сывйӧ Кӧть сё комын пельӧ юк.
Гижӧд
МТС-ӧ локтіс карысь
Жанр: 

lkejrlkelkrgner klrjnelknfrkl ekjnrjkenfrej

1