МИР ПАКТ ЙЫЛЫСЬ КЫВ
Он вермы чӧв овны, кор сьӧлӧм ачыс корӧ... Ме должен сёрнитны. Ме должен босьтны кыв. Бур вӧляа став йӧзлӧн помтӧм море Тшӧтш йиджтас медым менсьым гӧлӧс шы. Войналӧн вуджӧр кыптӧ му шар весьтын Да кӧсйӧ мырддьыны и челядьлысь лӧнь ун, И югыд шонді, миянлысь выль песняяс, И прӧстӧй йӧзлысь оланін да шуд. Эз косьмы кӧть на мамъяслӧн пӧсь синва, И казьтывлӧ на асьсӧ вӧвлӧм шог, А долларъясысь ляскӧм да гырд синмӧн Нацелитчис ми вылӧ Вашингтон. Разбойник нюжӧдӧ нин бара ассьыс кияс, Мед выльысь кисьтны мортлысь дона вир, Пхеньянӧс моз жӧ ставнас сьӧд руинаӧ Напалмӧн пӧртны менсьым югыд мир. Войнатӧг иродъяслы олӧм — абу олӧм, Оз киссьы сейфъясӧ кӧ вирысь гырдмӧм зэр... Вот сы вӧсна фашиствуйтысь выль Молох Уранӧн ышнясьӧ пыр сотны менсьым грезд. Но миян воля атомысь на ёнджык, И мусӧ пыркӧдӧ миллионъяс воськов шы. Мир видзны сувтӧ миян шуда томлун, Хикметлӧн стих, Нерудалӧн пӧсь кыв. Гимн дружбалы Поль Робсон гора сьылӧ, Шуд вӧсна бойӧ мунӧ Ким Ир Сен, И смертьлысь поезд сувтӧдӧ туй вылын Французскӧй нывбаба Раймонда Дьен. И сьӧд, и еджыд кыпӧдчӧны орччӧн — Техасысь негр, Вьетнамысь том салдат. Быд кыв вылын, и мулӧн дзик быд помсянь Прӧстӧй народыс требуйтӧ Мир Пакт. Ми требуйтам, ог сы вӧсна, мый слабӧсь: Оз кувлы Сталинградӧс доръян дух... Ми требуйтам мед олӧмыслысь радлун Преступнӧй бушков му вылысь эз ну. Ме — пи народлӧн, коді созидайтӧ И будущӧйӧ тэчӧ кӧрт да из, Мед кыптіс вывлань миян югыд зданье, Вождь киӧн начертайтӧм коммунизм. Сё шонді ӧзйис миян синъяс водзын, Гигантскӧй стройкаясӧн шызис паськыд му, И Кремль весьтын рубинӧвӧй выль кодзув Став мирнӧй йӧзлы индӧ югыд шуд. Ми мӧвпалам и радейтам, и сьылам, Став йӧзлы мыччам дружбалысь пӧсь ки... Вот сы вӧсна ӧд миян шудлун вылӧ Пурт тӧчитӧ Чикагоысь мясник! Мед миян гӧлӧс биӧн сотӧ найӧс Да пӧртӧ пӧимӧ, код пестӧ бара би. Мир вӧсна тышӧ нуӧдӧ пыр Сталин, И сыкӧд победитас югыд мир.
* * *
Сталин — народъяслӧн слава, Сталин — выль олӧмлӧн мич. Сталинкӧд мунам ми ставӧн Видзны став му вылын мир!
Гижӧд
Мир пакт йылысь кыв
Жанр: 

lkejrlkelkrgner klrjnelknfrkl ekjnrjkenfrej

1