ПАРТИЯӦ ПЫРИ ВОЙНА КАДӦ
Ме пыри партияӧ война мунан кадӧ, кор биа шерысь енэж вӧлі гырд, а миян водзын гымаліс снарядысь Воронеж дорын ӧти джуджыд нырд. Ми вуджим Дон, мед тайӧ нырдас сувтны да вунӧдны, мый бӧрыньтчан туй эм. Россия вӧсна овны либӧ кувны сэн пудъялӧма вӧлі тшӧтш и мем. И пыр, кыдз овлӧ врагкӧд чорыд тышын, быд сьӧлӧм ыджыд скӧрлунӧн кор яр, бур бать моз локтіс миян зумыд кытшӧ гвардейскӧй полкса повтӧм комиссар. — Ме тіян водзын биас пыра, пиян... — тадз паніс сійӧ ассьыс дженьыд висьт. И бӧрынджык нин тӧдны кутім сійӧс, кыдз тышкасис да уси коммунист. А сійӧ збыльысь уси тайӧ бойын, эз вевъяв шуны ассьыс бӧръя кыв... Но врагысь мездӧм сикт Сторожевое — гӧрд флаглысь восьтіс шпоракылан сыв. И ме сэн пукті шуйга морӧс зептӧ, дзик сьӧлӧм бердӧ, ассьым партбилет и взводӧс выль атака вылӧ лэпті да сувтлыны и аслым тшӧтш эг сет. Эг кокни туйяс ас нэмын ми вуджӧй, а мукӧд туй, кӧть вӧзъясны, оз ков... Ӧд сыын миян медся ыджыд шудыс, мый партиякӧд помӧдз йитім лов!
Гижӧд
Партияӧ пыри война кадӧ
Жанр: 

lkejrlkelkrgner klrjnelknfrkl ekjnrjkenfrej

1