МЕДМИЧА КОМИ КЫВЪЯС
Асыв пырас парма расӧ, Сійӧс вежас рыт. Садьмӧм мортлы шу: — Бур асыв! Рытйысьлы: — Бур рыт! Нэмтӧ тэнсьыд медым шонтас кыпыд да збой лов, кыдзи тувсов зарни шонді — Видза ов! Коді быдтор бура вӧчӧ, кодлӧн зумыд сыв, сылы пыр мед шуны сюрас: — Аттьӧ кыв. Пызан бердад сёйны-юны тэрмасьны оз ков. Эн жӧ вунӧд йӧзлы шуны: — Нянь да сов! Олӧмыд кӧть ылӧ нуас, некор оз босьт жуй, ачыс чужан муыд шуас: — Шуда туй! Уджыд му вылад зэв уна, вӧчны быдтор куж, шуны мырсьысьлы эн вунӧд: — Кыпыд удж! Кодӧс суӧдас сьӧд вӧрад йирмӧг пӧльтысь ар, козьнав сылы локтӧм бӧрас: — Пывсян жар! Кодзулӧн кӧ енэж жуӧ, вод да синтӧ кунь, мамыд зэв меліа шуас: — Чӧскыд ун! Уна тӧждлун аддзам нэмад, Но эн повзьы, эн, медым став сьӧкыдсӧ венан: — Отсав, Ен! Но, а ачыд кӧ нин мыжа, воча нюжӧд ки. Сэсся некор эн нин ыдждав, Муса пи!
Гижӧд
Медмича коми кывъяс
Жанр: 

lkejrlkelkrgner klrjnelknfrkl ekjnrjkenfrej

1