ЛЫЙЛӦМ ПАРАШЮТИСТ ЙЫЛЫСЬ БАЛЛАДА

Война помассьӧм бӧрын 40 во мысти тӧдмалісны: Александр Иванович Козлов, Кӧжмудор сиктса морт, лои коми народлӧн национальнӧй геройӧн.
Враглы веськаліс пленӧ миян парашютист. Тираспольса тюрьма стенӧ гижсяс кӧрт тувйӧн висьт: «Менӧ лыйласны аски, локтӧ пӧ медбӧръя час, аслам вирӧн моз пасъя татчӧ прӧщайтчан пас... Ылі войвылын, ылын менам зэв муса поз. Кодкӧ гӧлӧсӧс кылас?.. Кылас?.. Гашкӧ, и оз... Муса гӧтырлӧн сывъяс куим ичӧтик ныв. Найӧ, дерт жӧ, оз кывны менсьым прӧщайтчан кыв». Кӧрт тув пыдӧджык йиджтіс гижӧд помас ним-ов, ещӧ мортыс кор гижтіс: «Александр ме, Козлов». Коркӧ вермас-ӧ вунны звермӧм вӧрӧгкӧд тыш? Шонді гӧгӧрыс муным вӧчис нелямын кытш. Кольӧм воясӧ мутӧ сійӧ эз ӧтмоз пӧж. Синъяс водзӧ эз усьлы гижӧд нёль дас во чӧж. ...Грездӧд котӧртіг, менӧ эз и вӧтӧдлы тӧв, но став зільӧмӧс веніс сэтчӧ овмӧдчӧм чӧв. Кӧнӧсь, кӧнӧсь ті, кӧнӧсь, гӧтыр, куим бур ныв? Ачыс енэжыс ӧні менсьым горзӧм оз кыв. Сідзкӧ, став пыдди колӧ ӧні мынтысьны мем? Ме ӧд сы пыдди ола, кодлысь лыйлісны нэм.
Гижӧд
Лыйлӧм парашютист йылысь баллада
Жанр: 

lkejrlkelkrgner klrjnelknfrkl ekjnrjkenfrej

1