* * *
Кывбуръясӧс Пашня дорӧ кӧдзи, Морт киясӧн вӧрзьӧдлытӧм муӧ. Нюръяс весьтын кызь градуса кӧдзыд Еджыд руӧн пӧлясис да пуис. Некод на кӧ та йылысь эз кывлы: Лым улысь нэр дзоридзыд оз петав! — Ӧтиӧс ме сьӧд синкыма нывлы Сьӧлӧм пытшкысь нетшышті да сеті. Ассьыд томлун жалит кӧть эн жалит, — Шудлун вылӧ ӧтчыд сійӧ волӧ... Эз, дерт, меным ӧвтышт аслас шальӧн Бурӧвӧйлань восьлалысь геолог. Кокни туфли сійӧ эз на лӧсьӧд, Сылӧн кокас сьӧкыд кирза сапӧг. Шуны, век жӧ, меным абу лӧсьыд Сы йылысь, мый нывъяс абу тшапӧсь. Войвывса царевналы и вӧрын Эндӧм вӧсна некор оз ков повны. Гашкӧ, ӧти кывбур сьӧлӧм-йӧрас Муслуныскӧд орччӧн кутас овны.
Гижӧд
Кывбуръясӧс Пашня дорӧ кӧдзи...
Жанр: 

lkejrlkelkrgner klrjnelknfrkl ekjnrjkenfrej

1